மேல் மாகாணத்தில் கூட்டுறவுச் சங்க ஊழியர்களுக்கு உரிய கீழ் குறிப்பிட்டுள்ள விடயங்கள் தொடர்பாக செயற்படுவதற்கு மற்றும் நியமங்களை வழங்குவதற்கு ஆணைக்குழுவிற்கு அதிகாரம் அளிக்கப்பட்டுள்ளது.

###

•  கூட்டுறவுச் சங்கங்களின் ஊழியர்களை ஆட்சேர்த்தல் மற்றும் பதவியுயர்த்தல் தகைமைகள், முறைமைகள் மற்றும் சேவை நிபந்தனைகளைத் தீர்மானித்தல்.

• கூட்டுறவுச் சங்கங்களின் ஊழியர்களை ஆட்சேர்ப்பதற்கான பரீட்சைகளை நடாத்துதல் அல்லது பரீட்சை நடாத்தும் பணிக்காக பரீட்சகர் குழுவினை நியமித்தல் மற்றும் பரீட்சைகளில் தோற்றும் பரீட்சார்த்திகளிடமிருந்து கட்டணம் அறவிடல்.

• பதவிகளுக்கு வழங்கப்படவேண்டிய சம்பள அளவுத்திட்டத்தினை நிர்ணயித்தல், காலத்திற்குக் காலம் திருத்தஞ் செய்தல் மற்றும் தயாரித்தல்

• கூட்டுறவுச் சங்க ஊழியர்களின் ஊதியங்கள் மற்றும் சேவை நிபந்தனைகளைத் தீர்மானிக்கும் போது ஆணைக்குழுவிற்கு ஆதரவு வழங்கக் கூடிய ஆலோசனை வழங்கல் அமைப்புக்களை நிறுவுதல்.

• ஆணைக்குழுவினால் நியமிக்கப்பட்ட சம்பள அளவுத்திட்டத்தின் படி சம்பளங்களைச் செலுத்துமாறு கூட்டுறவு சங்கங்களுக்கு விதித்தல். ஊழியர்களுக்கு எதிராக ஒழுக்காற்று ரீதியாக நடவடிக்கை மேற்கொள்ளும் உரிமையினைச் செயற்படுத்தும் போது கூட்டுறவு சங்கமொன்றினால் பின்பற்ற வேண்டிய படிமுறைகளைத் தீர்மானித்தல்.

• ஆணைக்குழுவினால் விதிக்கப்படும் கால வரையறைக்குள் ஊழியர்களுக்கு எதிராக உள்ள ஒழுக்காற்று விசாரணைகளை முடித்துக் கொள்ளும்படி கூட்டுறவுச் சங்கங்களுக்கு உத்தரவிடல்.

• கூட்டுறவுச் சங்கம் ஒன்றினால் வழங்கப்பட்ட ஒழுக்காற்று உத்தரவிற்கு எதிராகத் தொடுக்கப்படும் மேன்முறையீட்டினை விசாரித்தல்.

• ஊழியர்கள் சார்பாக உரிய குறிப்பிட்ட பதிவுகளை வைத்துக் கொள்ளுமாறு கூட்டுறவுச் சங்கங்களுக்கு விதித்தல்.  

• எவரேனும் ஊழியர் ஒருவர் குறித்து ஆணைக்குழுவிற்கு அவசியமேற்படும் எனக் கருதுக்கூடிய கோவைகள் அல்லது ஆவணங்கள் அல்லது தகவல்களைக் குறிப்பிட்ட தினத்திற்கு முன்னர் ஒப்படைக்கும் படி உரிய சங்கத்திற்கு அறிவுறுத்தல்.